Dead-on-Arrival ang Barangay Treasurer ng Gomez, San Isidro matapos mahulog sa sapa ang minamanehong motorsiklo sa Quita Bayag Bridge na sakop ng barangay Patanad, San Isidro, Isabela .
Sa nakuhang impormasyon ng 92.9 Brigada News FM Cauayan, kinilala ang nasawi na si Kenny Dela Cruz, 29-anyos.
Lumalabas sa imbestigasyon ng San Isidro Police Station na nasa impluwensiya ng nakalalasing na inumin ang biktima na galing sa Barangay Villa Flor.
Kaugnay dito, papuntang Poblacion ang biktima subalit bago ito makarating sa tulay ay nawalan ito ng kontrol sa preno ng motor at tuluyang nahulog.
Nagtamo ng malubhang sugat sa katawan at head injury si Dela Cruz na nagsanhi ng kaniyang kamatayan.