Pumalo na sa 471 ang kabuuang bilang ng mga aksidente sa daan sa Lungsod ng Cauayan mula Enero hanggang Agosto kinse ngayong taon.
Sa inilabas na datos ng Cauayan City Command Center, nangunguna sa listahan ang mga nahuhuling drayber na nagmamanehong lasing kung saan umabot ang bilang sa kabuuang 268.
Sinundan ito ng mga nahuling 257 na mga motoristang walang helmet.
Samantala, mayroon namang apat na insidente ng motorcycle accident na nag-resulta ng pagkasawi ng mga biktima.
Muli namang nagpaalala ang command center na huwag magmaneho ng lasing at huwag ding ugaliing makipag-usap o makipag-text habang nagmamaneho.