𝗗𝗔𝗬 𝗢𝗙 𝗠𝗢𝗨𝗥𝗡𝗜𝗡𝗚 𝗦𝗔 𝗔𝗣𝗔𝗥𝗥𝗜, 𝗖𝗔𝗚𝗔𝗬𝗔𝗡, 𝗜𝗗𝗜𝗡𝗘𝗞𝗟𝗔𝗥𝗔 𝗡𝗚𝗔𝗬𝗢𝗡𝗚 𝗔𝗥𝗔𝗪

Nagdeklara ang Aparri Local Government Unit ng Day of Mourning ngayong araw, February 28, 2023 kaalinsabay ng paghahatid sa huling hantungan sa nasawing si Vice Mayor Rommel Alameda at limang iba pa.

Ito ay alinsunod sa inilabas na Executive Order No. 2023-014 ng LGU-Aparri.

Nakasaad sa naturang kautusan na malaking kawalan sa bayan ang pagkasawi ng bise alkalde at lima nitong kasamahan.

Una umanong nagsilbi bilang Barangay Counselor si Vice Mayor Alameda noong 1992 sa Centro 14, naging SB member mula July 2001-June 30, 2010 at nagsimulang magsilbi bilang Vice Mayor noong July 2010 hanggang sa na re-elect noong July 2019 at July 2022.

Nagpaabot rin ng pakikiramay ang munisipyo kung saan iniatas ni Mayor Bryan Dale Chan na ilagay sa half-mast ang bandila sa munisipyo bilang simbolo ng pagluluksa.

Suspendido din ngayong araw ang pasok sa mga government offices at pampubliko at pribadong paaralan sa bayan ng Aparri.

Leave a Reply

Your email address will not be published. Required fields are marked *