Tinangka pang tumakas ng isang high value individual matapos isilbi ng PDEU/PIU Kalinga at iba pang law enforcement agencies ang warrant of arrest laban dito sa Purok 2, Barangay Lacnog East, Tabuk City, Kalinga.
Sa nakuhang impormasyon ng 92.9 Brigada News FM Cauayan sa Kalinga Police Provincial Office, mayroong isinampang kasong paglabag sa Section 11, Article 2 ng RA 9165 o Comprehensive Dangerous Drugs Act of 2002 ang suspek na kinilalang si Bobby Ganggang, 37-anyos.
Batay sa ulat ng pulisya, tinangka umanong takasan ng suspek ang pag-aresto sa kaniya at nakipaghabulan sa pulisya hanggang sa makorner sa maputik na palayan.
Nakumpiska mula sa direktang pag-iingat nito ang siyam na piraso ng plastic sachet na naglalaman ng hinihinalang shabu na tumitimbang ng 29 grams at nagkakahalaga ng P197,200.
Bukod dito ay nasamsaman rin ang suspek ng isang caliber .45 Elite shooter, 6 na piraso ng bala ng caliber 45, 1 leather holster, cellphone at isang one small spoon drug paraphernalia.
Nahaharap ngayon sa kasong paglabag sa Republic Act (RA) 10591 o Comprehensive Firearms at Ammunition Regulation and RA 9165 o Comprehensive Dangerous Drugs Act of 2002 ang suspek.
NAGA CITY – Naging problema din ng mga atleta ng Naga City na kalahok sa…
Idiniin ng grupong MANIBELA na kahit na paso na ang deadline para sa franchise consolidation…
Nasakmitan og di mominus 10 ka gramos nga gituohang shabu ang usa ka inahan atol…
Dahil sa umano'y 'clamor' ng mga panawagan sa panunumbalik ng lumang school calendar - inirekumenda…
Pinaalalahanan ni Senate Committee on Health, Chairperson, Senador Christopher "Bong" Go sa naganap na pagdinig…
Handa na ang ilang lokal na pamahalaan sa Metro Manila na i-adopt ang bagong working…