1, 500 na pamilya, inilikas dahil sa epekto ng bagyong “Paeng” sa Palawan

Nakapagtala ang Palawan Emergency Operation Center ng 1, 500 evacuees mula sa mga munisipyo dahil sa mga pag-ulan at pagbaha na dala ng bagyong “Paeng”.

Binubuo ito ng 5, 500 na indibidwal mula sa mga bayan sa Calamian at ibang munisipyo sa bahaging sur.

Ayon kay Palawan Emergency Operation center manager Jerry Alili, siyamnapu’t lima (95) ang partially damage at 30 ang  totally damage  na kabahayan dahil sa bumagsak na puno at malakas na hangin.

Nagkaroon din ng minor landslide sa kalsada sa Culion subalit agad ring natanggal ang humarang na lupa at nadaanan ang natabunang kalsada.

Sa kabila nito ay wala pang naiuulat na casualties at missing ang PDRRMO sa dalawampu’t tatlong munisipyo.

Samantala, nakabantay naman ang mga stranded sa mga pantalan sa pag-alis ng gale warning upang makabiyahe pauwi para sa paggunita ng Undas 2022.

Leave a Reply

Your email address will not be published. Required fields are marked *