1.8 Million el ya puede ya clava vacuna na Rehiyon 9

Siguiendo el intensificao vaccination rollout na entero Zamboanga Peninsula, este maga tiempo ya alcansa ya na total de 1, 888, 524 el total numero del maga eligible population el ya puede ya recivi bacuna contra COVID 19.

Base na datos que ya presenta el medical officer del Department of Health Regional Office 9 Dr. Jemuel Cristobal, que dentro na mencionao numero el A1 que ya manda clava bacuna talli ya na 56, 773, expanded A1 o maga medical frontliners 17, 223, mas de 239 mil maga senior citizens o bajo na A2, mas de 235 mil maga persona tiene comorbidities o A3, mas de 400 mil bajo na A4 o maga essential workers y mas de 939 mil maga individual bajo na A5 priority group.

Fuera con este, el maga vaccinees ya recivi con el 1st dose ya alcansa ya na mas de 349 mil o 18.53% mientras na 2nd dose talli ya na mas de 333 mil o 17.66 porciento. (BNFM Zamboanga)