1.8 million year old na “human tooth”, nadiskubre ng archeologist sa Georgia

NADISKUBRE ng isang archeologists sa bansang Georgia ang isang “human tooth” o ngipin ng tao na pinaniniwalaang may gulang na 1.8 million years.

Ayon sa ulat ng Reuters, natagpuan ang nasabing ngipin malapit sa village ng Orozmani, sa may bahagi ng Dmanisi kung saan rin natagpuan ang mga “human skulls” noong 1990s hanggang 2000s.

Ang pagkakadiskubre sa naturang “human tooth” ay isa umanong senyales at patunay na ang mga sinaunang tao ay namalagi at nanirahan sa Caucasus pagkatapos lisanin ang Africa, halos dalawang milyong taon na ang nakakaraan.

Samantala, ayon kay Jack Peart, ang archeologist na nakatuklas sa nasabing ngipin, ang discovery umanong ito ay nangangahulugang ang bansang Georgia ay mahalagang bahagi ng mundo para sa “paleoanthropology” at human story.### JUMEL DELA ROSA, BNFM Bicol

Leave a Reply

Your email address will not be published. Required fields are marked *