Kritikal ang isang senior citizen habang dalawa ang sugatan sa banggaan ng motorsiklo sa National Highway ng Barangay calasaguen sa Brookes Point, Palawan.
Kinilala ang mga biktima na sina Rey Paraiso Calugtong, animnapu’t apat na taong gulang na umano’y malubha ang kalagayan, minamaneho ang isang Rusi 150 motorcyle.
Kinilala naman ang mga nakabanggaan nito na sina Rodelyn Molones Magbanua at angkas nito na si Efren Pineda Magbanua.
Sa imbestigasyon ng pulisya, nanggaling sa tindahan si Rey nang bigla umano itong tumawid lulan ng motorsiklo dahilan para makasalpukan nito sina Rodelyn na patungo sa Poblacion ng Brookes Point.
Samantala, dinala na sa pagamutan ang mga biktima kaninang umaga.