Maswerteng nailigtas ang isang lola at dalawa nitong apo matapos silang tangayin ng rumaragasang tubig baha sa Barangay Quinlogan, Quezon Palawan.
Kinilala ang lola sa pangalang “Diday” habang ang mga apo nito ay isang anim at apat na taong gulang.
Sinubukan umano nilang tawirin ang ilog bandang alas-dos ngayong hapon sa kabila ng malakas na ulan para sana puntahan ang mga alagang hayop.
Mabilis naman silang sinaklolohan ni ginoong Rey Bocol at sila’y naiahon sa ligtas na lugar.