Nadakpan ru 1 sa 3 mga menor de edad matapos eagson it mga pulis sa des oras it gabie samtang naga winarang sa pilang ka mga kalye sa banwa’t Kalibo.
Sa report, temporaryo nga gin custody sa nasambit nga PNP Station ru 1 sa mga imbolbadong menor de edad halin sa sangka birthday party.
Gin taw-an it giya ru nadakpan nga binatilyo ag dayon gin turn-over sa andang ginikanan.
Nagpadumdom ru personnel it Kalibo MPS sa mga pamatan-on nga likawan ru pag winarang sa hanagob nga oras agud iwas disgreasya nga perming naga kanabo.
Samtang, gin laygayan man it pulis ru mga ginikanan nga indi basta pabay-an ru andang mga unga nga menor de edad sa pag winarang.//MARIVIC Y. ILIN