Mabug-at an gin-aabat ha pagkayana han pamilya han 1 year-old nga bata nga lalaki tikang ha Northern Samar mahuman ini makit-an han mga residente nga waray na kinabuhi ha Brgy. Talib Aroroy, Masbate.
An biktima in usa nga 1 year old nga bata nga lalaki nga nahireport nga nawawara dida pa han Pebrero 18, 2023 pasado alas 5:00 han kulop ha ira mismo lugar ha Barangay 1 Poblacion, Capul, Nothern Samar.
Basar ha nakuha nga impormasyon, urhi ngadaw nakit-an an biktima han iya nanay nga nagmumulay harani ha sapa nga atubang la han ira panimalay.
Posible daw nga nahulog an biktima ngan nalunod.
Subay naman han mga nagpakakita nga mga residente ha Masbate nga waray na daw an iba nga body parts han biktima sugad han iya ulo, braso, ngan an iya maselan nga parte han iya lawas.
Ha pagkayana in naibalik na ha pamilya an lawas han biktima ha Capul, Northern Samar.