NAGMALAMPUSON ang gipahigayong Community Pantry sa 10 Infantry Batallion Tabak Division sa may barangay Toliok ning dakbayan sa Oroquieta Misamis Occidental.
Gipangunahan ang maong kalihukan ni LTC RAY C. TIONGSON INF (GSC), ug gilangkuban sa buhatan sa TESDA sa Misamis Occidental, Police Provincial Office (MOPPO), Oroquieta City Police Station, Public Information Agency, Oroquieta Agro-Industial School, Provincial Training Center ug ang mga kawani sa LGU Oroquieta City.
Nagpaabot ang mga naasoy nga gropo sa ilang kinasing-kasing nga tabang sa katawhan sa nasangpit nga barangay, diin nag-apud-apud sila ug mga pagkaon, personal haygiene o mga unang panginahanglanon sa mga lomulopyo.
Samtang, gikalipay pag-ayo sa mga nakadawat , ilabina tong mga tawo nga anaa sa kawad-on, gikalipay usab sa gropo nga nakita ang ngisi sa mga tagsa-tagsa ug nakatabang sila sa mga katawhan nga mas nanginahanglan kaysa kanila.(Joel Omapas)