NAPULO ka pulis sa General Santos City Police Office kun GSCPO ang natakdan sa COVID-19 sukad Enero hangtud Abril 2021.
Kini segun sa pagbutyag ni Police Col. Gilberto Tuzon, city PNP director sa GenSan atol sa virtual press conference, Martes sa gabii.
Segun ni Tuzon nga naggikan sa nagkadaiyang unit ang mga personahe nga natakdan sa sakit.
Ang unom ang nakarekober na, samtang tulo ang naka-quarantine pa ug usa ang na-admit sa ospital sa GenSan ug padayung gina-monitor ug takdang mobalik usab sa serbisyo sa higayong hingkit nang makarekober sa COVID-19.
Luyo niini, gidugang ni Tuzon nga nagpabiling taas ang morale sa kapulisan ug padayun ang paghatag og serbisyo sa publiko.
Luyo sa pandemya, padayun ang ilang mga operasyon alang sa kahusay ug kalinaw sa GenSan dungan sa pagtuman sa mga health protocols.