APEKTADO ang napulo ka pamilya samtang usa ang natala nga samaron sa sunog sa Purok 4 Rajamuda, Barangay Bula, GenSan.
Human gilamoy sa kalayo ang tindahan nga namaligya og kahoy, motorparts, naninda og pakaon sa manok, boardingouse ug simbahan.
Dungan sa sunog nga nahitabo pasado ala-1 sa hapon, Biyernes sa nasangpit nga lugar.
Sa inisyal nga imbestigasyon sa Bureau of Fire Protection (BFP) dunay nasunog nga balay apan light lang ang damage. Sa rekord sa BFP, mokabat sa P400,000 ang inisyal nga damyos sa nahisgotang sunog. Giimbestigahan pa karon sa mga sakop sa buhatan ang hinungdan sa sunog.
Nasayran nga sukad ang pagsugod sa bulan sa Marso sa pag-obserba sa
Fire Prevention Month halos kada adlaw adunay natalang sunog.
Dungan niini, padayun ang panawagan sa taga BFP nga magpakabana ang matag usa aron malikayan ang sunog.