SERBISYONG HENERAL HIGHLIGHT SA 1ST 100 DAYS REPORT NI MAYOR LORELIE PACQUIAO

KALAMBUAN sa siyudad ug mga programa alang sa mga kabus ang nahimong usa sa mga highlight atol sa 1^st 100 days report ni Mayor Lorelie Pacquiao. Sa pag lingkod niya isip inahan sa siyudad nakamugna kini og mga programa alang sa mga Katigulangan, Kabataan, Panginabuhian, Panglawas, Siguridad, Edukasyon ug Inprastraktura.

Kini ang nahimong unod sa iyang report kagahapong adlawa Oktubre 14. Pag hatag og birthday cash gifts ug pagmugna og mga programa aron makaangkon og benepisyo ang mga senior citizen ang usa sa mga gipasigarbo niini atol sa iyang report ug ang gipasigarbo niining programa nga Serbisyong Heneral alang sa 26 ka Barangay sa siyudad.

Pagtinguha nga mahimong digital city ang Gensan pinaagi sa mas gipakusgang mga programa sa ITCD ug pag mugna og mga website aron paspas nga maka-access ang tanang heneral alang sa paspas nga transaksyon sa gobyerno o E-Government services.

Gihagit usab sa Mayor ang kapulisan ilawom sa pagpangulo ni PCol. Jomar Alexis Yap ug Joint Task Force Gensan sa pagpangulo ni Col. Galileo Goyena nga mas pahugtan pa ang mga kampaniya batok kriminalidad alang sa padayong kahapsay ug kalinaw sa siyudad.

Paghatag usab og prayoridad alang sa mga Small and Medium Enterprises SME’s pinaagi sa paghatag og mga trainings sa pagpalambo sa ilang mga nagkadaiyang negosyo. | MJ Fernandez