$100 million na halaga ng mamahaling bato nahukay sa ginagawang balon sa Sri Lanka

RATNAPURA, Sri Lanka–Hindi akalain ng grupo ng mga trabahante sa Sri Lanka na higit pa sa yamang tubig ang kanilang masusumpungan sa paghuhukay ng balon sa isang bakuran sa Ratnapura city.

Ayon sa local authorities doon, isang Serendipity Sapphire ang nahukay ng mga manggagawa sa bakuran ng gem trader na si Gamage.

Tumitimbang ito ng 1,124 pounds o 2.5 million carats at ayon sa mga eksperto ay posibleng umabot ng hanggang $100 million ang halaga nito sa international market.

Ayon kay Gamage, una ay nakatagpo ng mga kakaibang bato ang mga naghuhukay ng balon at kalaunan ay nasumpungan nila ang napakalaking sapiro.

Anya, maraming mga batong nakuha sa lugar ang kumpirmadong high-quality star sapphires.

Ang pangalang Ratnapura na isang malaking lungsod sa Sri Lanka ay nangangahulugan bilang “city of gems” sa Sinhalese. Ang lungsod na ito ay kilala bilang gem capital ng Sri Lanka. || Shiela Madrigalejos

Leave a Reply

Your email address will not be published. Required fields are marked *