100-year-old nga lolo ha Inopacan Leyte, nakakarawat hin cash incentive

Kumo pagkilala ha pagkab-ot han ha edad nga 100, natagan hin ceremonial awarding of centenarian hi Lolo Quirino, tikang ha Inopacan, Leyte ha mismo hini panimalay.

Ha pangunguna ni DSWD Field Office VIII- Regional Director, Grace Q. Subong, iginhatag kan Lolo Quirino an cash incentive nga nagkakantidad hin P100,000 nga surat hin pagbati tikang kan President Ferdinand Marcos Jr.

Gindumara an nasabi nga ceremonial awarding in ha pamaagi han bulig ni Municipal Mayor Rogelio Pua Jr., Municipal Vice Mayor, Sanders Lumarda, Municipal Social Welfare and Development Officer (MSWDO), Susan Lawag, kaupod an Sangguniang Bayan (SB) members han nasabi nga bungto.

Hapagkayana, ginkikilala la gihapon han ahensya an mandato han RA 10868 o an Centenarians Act of 2016 nga naghihingyap maghatag hin cash incentive nga P100,000 nga surat hin pagbati tikang ha presente nga presidente han Pilipinas ha tanan nga kalagsan nga nakaabot ha 100 years old ha sulod man o gawas han nasud.

Leave a Reply

Your email address will not be published. Required fields are marked *