Malipayon nga nagbaton sang Fuel Subsidy Assistance ang 1,000 tanan ka mga Tricycle Operators and Driversโ Association (TODA) members sa syudad sang Roxas gikan kay Cong. Howard Guintu sang Pinuno Partylist pinaagi man sa talatapan ni BM Pepe Del Rosario katuwang ang DSWD.
Sa interview sang Brigada News FM Roxas City kay Cong. Howard Guintu, iya ginpahayag nga bangud sa pagtinaas sang presyo sang gatong iya nadumduman nga tuman gid nga maapektuhan ang mga tricycle driver, rason nga nagpangita ini sang pamaagi agud makabulig.
Nahibaluan nga nagbaton sang tig-P2,000 ang mga tricycle driver nga nakapasa sang mga ginapangayo nga rekisitos agud mangin benepisyaryo sang sini nga programa.
Dugang pa ni Guinto, nga nakapanagtag naman sila sang Fuel Subsidy Assistance sa apat pagid ka kabanwahan sa primero distrito ini amo ang banwa sang Panay, Pres. Roxas, Pilar nga may yara sang tig-200 beneficiaries kag Maayon-300 beneficiaries.
Sa kabug-osan nagdangat sa masobra P3-milyon ang kantidad sang napanagtag nga ayuda. | Judy Ann Juare