10,670 new COVID-19; Total active tally, higit 118K na

Naitala ng Pilipinas ang 10,670 na mga bagong kaso ng coronavirus disease 201, sa gitna na bigong makasumite ng kanilang datos ang dalawang laboratoryo.

Ang naturang bilang ang nag-udyok para sumipa ang kabuoang kaso sa 2,643,494.

Kaugnay nito, inanunsyo rin ng DOH na tumaas sa 118,203 ang bilang ng mga active cases, kung saan 77.7% pa dito ang nakakaranas ng mild symptoms, 13.4% ang asymptomatic, 2.7% ang severe, at 1.1% ang nasa kritikal na kondisyon.

Samantala, umakyat naman ang total recoveries sa 2,486,059, matapos gumaling ang 7,691 pang pasyente, habang 191 ang mga bagong fatalities, dahilan para maitala ang kabuoang death toll na 39,232.

Samantala, batay sa datos ng gobyerno, lumalabas na ang intensive care unit beds para sa COVID-19 patients ay nananatiling nasa high risk sa 72% ng kabuoang 4,500 ICU beds nationwide na ginagamit, habang 71% naman ng kabuoang 1,500 ICU beds sa National Capital Region ang okupado. //MHEL PACIA-TRINIDAD

Leave a Reply

Your email address will not be published. Required fields are marked *