GIPASIDUNGGAN sa liderato sa Police Regional Office 12 ang 11 ka mga moretirohay nga mga personnel sa Police Regional Office 12 pinaagi sa Salamat Kapatid Program.
Gipahigayon ang maong aktibidad sa PRO 12 Grandstand, Tambler, GenSan adlawng Biyernes, Pebrero 10.
Ang honorees mao silang PCpt Fidencio Paltinga Sales Jr.; PLt Grace Sagud Rosareal; PEMS Pedro Laygan Agduma; PEMS Darlu Dar Lucero; PEMS George Dante Sabes; PEMS Nuñez Banac; ug PSMS Val Siegfred Baldivieso Gabrinez.
Isip paghatag og recognition sa ilang dili mabayran nga serbisyo sa organisasyon ug sa nasud, gipasidunggan og Medalya ng Paglilingkod o PNP Service Medal ug Plaque of Appreciation sa mga retiring cops pinaagi ni PBGen. Rolando Destura.
Highlights usab sa aktibidad ang ceremonial turn-over sa ATM ug retirement badge sa mga retirees ug paghatag og bouquet ngadto sa ilang miyembro sa pamilya isip pagpasalamat sa
PNP sa ilang sakripisyo, gugma, pagsabot ug suporta sa mga moretirohay nga mga police officers.
Gitambaya usab ni PBGen. Jimili Macaraeg, Regional Director ang mga retirees ug gipadangat ang pagdayeg ug respeto ngadto sa pagserbisyo sa organisasyon ug komunidad.