11,000 students sa Cebu City, kwalipikado sa cash assistance sa DSWD

Kapin sa 11,000 ka mga estudyante sa dakbayan sa Sugbo ang makadawat og hangtud sa P4,000 nga balor sa financial assistance gikan sa Department of Social Welfare and Development (DSWD).

Gibutyag ni Dr. Ester Concha, ang pangu sa Department of Social Welfare and Services sa syudad nga ang ilang buhatan, naka-release og hinabang pinansyal sa kapin 4,000 ka mga estudyante niadtong Sabado.

Matud ni Concha nga ang 11,191 ka mga estudyante, nakapa-rehistro sa online portal sa Assistance to Individuals in Crisis Situations sa DSWD.

Itandi sa mga syudad sa Mandaue og Lapu-lapu, ang syudad sa Sugbo ang adunay labing taas og ihap sa student-beneficiaries.

Giingong tungod sa kadaghang ihap sa mga estudyante, gihimo ang distribusyon sa cash assistance sa upat ka hugna, diin ang una gihimo niadtong Sabado, sundan sa Septyembre 20, 22 og 24 og ipahigayon kini sa Cebu City Sports Center.

Leave a Reply

Your email address will not be published. Required fields are marked *