Gin umpisahan eon it Aklan Provincial Government ro pagpanagtag it financial assistance para sa 118 nga benepisyaryo nga naapektuhan it African Swine Fever (ASF) sa banwa it Tangalan.
Ro mga nataw-an hay halin sa 4 nga barangay sa Tangalan ag raya hay ro mga Barangay it Baybay, Dapdap, Tamalagon ag Tondog.
Ginpatigayun ro Distribution of Financial Assistance sa Baybay Barangay Hall, Tangalan, Aklan.
Nasayuran nga bangud sa pagpanaeasa it African Swine Fever (ASF) sa probinsya it Aklan nga ginkalugi it maeagko nga mga hog farmers o negosyante it baboy, nagpatigayun it tikang ro provincial government para makabulig sa mga hog farmers/ hog raisers. // ANN DESLENE SALAZAR