LEGAZPI CITY – Nakapagtala ang lalawigan ng Albay ng 12 mga bagong kaso ng COVID-19 kahapon ayon sa Provincial Health Office (PHO).
Sa datos ng tanggapan, anim ang naitalang mga kaso sa Legazpi City, habang pareho nang tig-iisa sa Daraga, Guinobatan, Ligao City, Pio Duran, Sto. Domingo at Tabaco City.
Karamihan sa mga ito ay kasalukuyang naka-quarantine, at karamihan din ang mga bakunado.
Patuloy ang paalala ng PHO sa publiko na sundin ang mga ipinatutupad na health protocols at magpabakuna upang maiwasan na ang pagkalat ng nasabing sakit.