13 sibilyan patay sa ambush ng Indian security forces

Napatay ng Indian security forces ang 13 sibilyan sa isang ambush malapit sa Myanmar border.

Ayon sa report, napagkamalan ng army patrol ang mga minerong pauwi na matapos ang kanilang trabaho at pinagbabaril ang mga ito kung saan pito ang nasawi habang ang pitong iba pang sibilyan at isang Indian soldier ay napatay nang gumanti ang mga nagagalit na locals sa lugar.

Ikinagalit naman ito ni Home Minister Amit Shah kung saan nangako siyang iimbestigahan ang nasabing pangyayari.

Napag-alaman na ilang taon na ding nilalabanan ng Indian army ang separatist militants sa north-eastern state ng Nagaland pero hindi ito ang unang pagkakataon na inakusahan sila ng pagkakamali sa pag-target ng mga inosenteng residente sa lugar.

Inihayag naman ng chief Minister ng Nagaland na “highly condemnable” ang insidente at nangako ito ng malalimang imbestigasyon

Leave a Reply

Your email address will not be published. Required fields are marked *