133 pamilya sa Kalibo, nag evacuate sa ABL Sports Complex dahil sa baha

Nag-evacuate ru may kapin sa 133 ka mga pamilya ru nag-evacuate sa ABL Sports Complex dahil sa baha.

Sa report it Provincial Social Welfare and Development (PSWD)-Aklan, ru nasambit nga numero hay katumbas it 561 ka mga indibidwal.

Apektado it baha ru  bilog nga banwang Kalibo rason nga eobus nga naapektuhan ru mga pamilya sa low lying areas nga nag evacuate sa mga designated evacuation centers.

Ru mga taga Purok 1-6 sa C.Laserna St., Kalibo hay nasue-ob it tubi rason nga nag-evacuate sa Magsaysay Park samtang ru ibang mga individual hay sa Pastrana Park, Kalibo.

Naghimo man it monitoring ru mga katapo it Kalibo MPS, rescuers, MDRRMO, BPAT ag ibang mga organization ru nagbueoligan sa mga apektado.  

Alas 9:00 pm, nag naba ru tubi ag sa mayad nga swerte, uwa it may nailista nga naninhan o namatay sa baha.//MARIVIC Y. ILIN  

Leave a Reply

Your email address will not be published. Required fields are marked *