Kinatibuk-ang 134 ka mga reams sa sigarilyo ang nakumpiska atol sa gilusad nga “OPLAN MEGASHOPPER” usa ka kampanya batok iligal nga pagpamaligya og sigarilyo nga walay Standard Graphic Health Warning.
Gipahigayon ang maong Joint operation sa mga sakop sa CIDG11 Davao de Oro PFU, Pantukan MPS, 1101st MC, Regional Mobile Force Battalion 11, RSOG-RPDEU PRO 11 kauban ang Bureau of Customs XI sa Purok Kasilak, Brgy. Kingking, Pantukan, Davao de Oro.
Malapusong nadakpan si Abdullah Bensali Bantilan Alyas Abdul, 26 anyos, minyo, driver ug residente sa nasangpit nga lugar human nga mitunol ngadto sa poseur buyer ug sigarilyo bugti sa PHP 400.00.
Nakuha sab sa posisyon ni Abdul ang mga nagkadaiyang klase sa siragarilyo diin kinatibuk-an mubalor sa PHP 53,050.00.
Gikustodiya na sa CIDG 11 Davao de Oro ang mga nakumpiskang smuggled nga sigarilyo ug gikatakdang i-turn-over sa Bureau of Customs XI.
Samtang, balhog na sa prisohan ang suspek og giandam na ang kasong ipasaka batok kaniya.