14-anyos nga batang lalaki, nalumos patay sa lungsod sa Loreto

Patay ang usa ka 14-anyos nga batang lalaki nga giila nga si Manuel Longos human nga nalumos samtang naligo sa NIA kanal ning milabayng adlaw sa P-5 Sitio Bagong Silang, Barangay Waloe lungsod sa Loreto, Agusan del Sur.

Sa pakighinabi sa Brigada News Team sa inahan niini nga si Maricel Longos, niadtong panahona wala matud pa kini sa ilang panimalay kay anaa kini sa bukid, saysay pa sa mga igsuon sa biktima ngadto na sa inahan nga naka desider matud pa sila uban ang mga silingan nga mangaligo sa maong lugar uban ang 14-anyos nga biktima.

Dugang pa sa iyang inahan nga samtang kamulo nga nag dula-dula sa tubig nga bahin, usa sa mga kaubanan niini nga naligo ang mikapyot matud pa sa biktima hinungdan nga nawad-an kini ug balanse ug dili na maka ginhawa ug gikaingong gilumsan kini sa usa sa mga kauban nila. Nasayran usab nga dunay gihambin nga balatian o sakit sa kasing-kasing ang biktima nga maoy possible usab nga hinungdan sa pagkaluya niini.

Base usab sa gisaysay ni Police Captain Alberto J. Casison ang Officer-in Charge sa Loreto Municipal Police Station nga padayon pa ang ilang gihimo nga lawom nga imbestigasyon mahitungod sa nahitabo aron masiguro nga walay foul play sa maong insidente.
-END-