Drug buy-bust ops, nga gikamatay 1 katao, giimbestigahan

GIIMBESTIGAHAN ang personahe sa Police Regional Office (PRO) 12 anti-narcotics unit nga apel sa drug buy-bust operation nga miresulta sa pagkatamay sa 18-anyos nga babaye, Miyerkules sa gabii, Mayo 10.

Ang paglusad og imbestigasyon ang dungan sa mandu ni Police Brig. Gen. Jimili Macaraeg, director sa PRO-12 Tumong mahatagan og katin-awan ang nahitabo sa gitawag sa kapulisan nga ‘tragic night’ atong gabiona. Gisumite na sa sakop sa Regional Police Drug Enforcement Unit (RPDEU) 12 nga apel sa operasyon ang ilang armas, aron ipailawom sa ballistic examination.

Aron sutaon kung kinsa kanila ang nakapabuto og pusil, gipailawom usab sa eksaminasyon ang armas nga nakuha sa sakyanan nga gisakyan sa punting sa operasyon nga si Jose Francisco Villaruel. Giangkon usab ni Macaraeg nga lehitimo ang drug buy-bust operation batok kang Villaruel. Apan nakasimhot si Villaruel nga pulis ang ka-transaksyon, misulay kini og sibat.

Nabanggaan niini ang motorsiklo nga gigamit sa pulis nga poseur buyer og nadaro ang motor gikan sa Barangay Labangal hangtud national highway nga sakop sa Barangay City Heights.

Nakumpiska ang 11 sa putos sa gituohang shabu, armas, salapi ug mga drug paraphernalias. Samtang, gipailawom na sa bullet trajectory examination sa Regional Forensic Unit (RFU) 12 ang kotse nga gigamit sa punting sa operasyon. I Richel Gubalani

Leave a Reply

Your email address will not be published. Required fields are marked *