KALIBO, AKLAN—Magaabot makarun nga adlaw do 150,000 doses it Sinovac COVID-19 vaccine nga para sa Western Visayas.
Suno sa Regional Vaccination Operation Center, raya do pinakamabahoe nga allocation nga nabaton it Region 6 halin sa national government umpisa ku Marso.
Sa nasambit nga alokasyon, 50,000 doses kara do maadto sa Iloilo City; 34,800 doses sa Negros Occidental; 27,640 doses sa Iloilo province; 10,840 doses sa Capiz; 8,240 doses sa Antique; 8,160 doses sa Aklan; 7,800 doses sa Bacolod City; ag 2,520 doses man do para sa Guimaras.
Samtang sa datos ng Department of Health 6 as of June 27, 591,980 doses it COVID-19 vaccines eon do nai-deliver sa Rehiyon 6. // SHERRY ANNE REUNIR-VIDAL