KALIBO, AKLAN—Nag-abot eon sa probinsya it Aklan do 3,000 vials o katumbas it 15,000 doses it Janseen COVID-19 vaccine.
Do mga taga-Aklan Provincial DOH Office, Provincial Health Office, PNP, ag PDRRMO, kaibahan man do CAAP officials do nag-facilitate sa pag-abot it bakuna sa Kalibo International Airport.
Insigida man nga gindaea do bakuna sa cold storage facility it probinsya sa Dr. Rafael S. Tumbokon Memorial Hospital.
Samtang, nakabaton man do Aklan it 1,100 vials ukon 11,000 doses it AstraZeneca vaccine ku Hulyo 14 ag ginaeauman nga may maabot pang kadugangang supplies it bakuna makarung domingo. // SHERRY ANNE REUNIR-VIDAL