15K doses it Johnson & Johnson’s vaccines, nakataeana nga magaabot sa Aklan

KALIBO, AKLAN—Nakataeana nga magbaton do probinsya it Aklan it 15,000 doses nga Janssen vaccines maghalin sa 289,000 doses nga gintaeana para sa Western Visayas.

Target nga maibakuna raya sa mga priority groups nga ginaeakipan it senior citizens (A2) ag persons with comorbidities (A3).

Samtang, do bulto it Johnson & Johnson doses hay ginpadaea sa mga priority areas sa Iloilo Province nga gintaw-an it 80,000 doses, Negros Occidental nga may 70,000, tag-30,000 doses para sa Bacolod City, Capiz ag Iloilo City ag 25,000 doses man do igapadaea sa Antique, ag sa Guimaras hay may una nga 5,000 doses.

Nasayuran nga do one-dose viral vector vaccine hay highly recommended it Centers for Disease Control and Prevention para sa mga nagaedad 18 anyos pasaka. // SHERRY ANNE REUNIR-VIDAL