16 katao arestado; armas, bala, ug mga sundang narekober sa giilogang luna

GIBALHOG sa San Isidro Police station ang 16 ka indibidwal samtang 10 ka motorsiklo, usa ka 9-mm pistol, mga bala ug sundang ang naimbargo.

Kini human sa duha hangtud tulo ka oras nga baylo-anay og buto sa giilogang luna sa Purok kidam, Barangay Olympog, Gensan, Martes sa hapon, Marso 28.

Naila ang mga suspek kang 1. Hamsur Apad, 2. Muhadjerin Linog, 3. Maroden Tola, 4. Adan Usop, 5. Danilo Quio, 6. Adan Surbano, 7. Antonio Calimag, 8. Aladin Laki, 9. Alimudin Tagose, 10. Haber Usop, 11. Hasim Usop, 12. Hamsur Edres, 13. Bobby Aminola, 14. Abdul Karim Abad, 15. Moctar Dimas; 16. Naizar Tan Dambonga.

Gikaengong mirespondi ang kapulisan sa tawag ni Kapitan Abeto Gulle nga ang mga nahisgotang nanghasi, nagbitbit og mga hinagiban ug misulod sa luna ni Julito Cardeño sa nahisgotang lugar. Buot unta nga makig-istorya sa otoridad ngadto sa gikaengong mga nanghasi.

Apan inay makig-istorya kalit gipabuthan ang kapulisan ug didto mibalos ang kapulisan diin nahitabo ang pagbinayloay og buto nga midugay og duha hangtod tulo ka oras, gigukod sa mga pulis ang mga nasangpit hangtod ilaha kining nakorner sa area ni Allan Sanidad kung asa narekober ang kalibre sa armas, mga bala ug sundang.

Sumala ni PMajor Carl Jayson Baynos,a hepe sa presinto dayo sa lugar ang maong mga indibidwal aron mangilog og yuta butang nga dugay nang problema sa syudad.

Kasong paghupot og armas nga walay igong dokumento, direct assault, attempted homecide ug tresspassing ang ipasaka sa kapulisan sa piskalya batok sa mga dinakpan. I Enamie Mogpon