Jake Zyrus, magpe-perform para sa isa sa pinakamalaking LGBTQIA+ event sa NYC

Magpe-perform ang singer na si Jake Zyrus sa NYC Pride March sa June 27, na isa sa mga pinakamalaking events sa buong mundo na ipinagdiriwang ng LGBTQIA+ community.

Bagama’t hindi makakalipad si Jake mula Pilipinas papuntang New York ay nagawa pa rin ng organizers na makausap siya para hilingin sa kanya na mag-perform virtually.

Sinabi ni Jake na labis siyang nagpapasalamat sa oportunidad dahil ito na ang unang beses na makakapag-perform siya para sa isang malaking Pride event sa ibang bansa.

Aminado naman ang singer, na dating nakilala bilang si Charice Pempengco, na nakakaramdam siya ng kaba dahil ito ang unang beses na marami ang makakakita sa kaniya bilang si Jake Zyrus at makakarinig sa mga bago niyang kanta at bagong boses.

Umaasa naman si Jake na marami siyang mai-inspire sa kaniyang performance sa event na ipalalabas sa ABC sa linggo.

Mababatid na pwede nang mapakinggan ang kaniyang pinakabagong international release na pinamagatang “Fix Me” sa lahat ng digital platforms sa buong mundo.

Leave a Reply

Your email address will not be published. Required fields are marked *