Sugatan ang isang 18 anyos na binata matapos saksakin ng nakaalitan nito sa Barangay Bagong Sikat sa Puerto Princesa City nitong nakalipas na Martes, ika-28 ng Pebrero 2023.
Ang biktima ay nakilala na si Jayvee Comozo, residente sa naturang barangay.
Ayon sa biktima, paglabas umano nya sa isang lamayan o burol, doon na siya sinugod ng tatlong kalalakihan pero nanlaban umano biktima,hangang sa pinalo na siya ng bote at nasaksak sa kanang braso.
Kalauna’y nagtungo sa Police Station 1 si Jayvee at doon ipina-blotter ang pangyayari.
Samantala, inamin ng biktima na may dati umano silang alitan ng isa sa mga gumulpi sa kanya.