Muabot sa 142,500 pesos ang natala nga structural damage sa pagkasunog sa 19 ka panimalay sa Western Kolambog, Brgy. Lapasan, ning syudad sa Cagayan de Oro.
Sumala ni Lapasan Bureau of Fire Protection Station Commander SFO4 Rolando Aque nga ang mga pamilyang apektado sa sunog, temporary nang gipahimutang sa Covered Court sa Brgy. Lapasan.
Gikompirma sab sa BFP nga walay natala nga nakabsan sa kinabuhe sa natigayon nga sunog.
Padayon karon ang pag-imbestiga sa BFP sa tinubdan sa sunog.
Subay niini, mihatag na sa pasiunang tabang ang barangay council sa Barangay Lapasan sa mga biktima sa sunog.
Mi-apelar sab karon ang mga pamilya sa nasunugan nga mahatagan sila sa dugang tabang pinaagi sa donasyon gikan sa mga tawo nga dunay malumong kasing-kasing. -END-