Naaresto it mga intel operative it 1st Aklan PMFC, CIDG Aklan PFU, Boac MPS, Tracker Team Aklan PPO, RIU-6 PIT Aklan ro Top 2 most wanted person sa probinsya it Marinduque.
Natigayun raya nga maaresto kahapon bandang alas 8:45 it agahun sa may Brgy. Old Buswang Kalibo, Aklan.
Ro nasambit nga akusado hay inaresto sa gahum it Warrant of Arrest para sa pag eabag kara sa Section 5 (B) it RA 7610 ag may ginrekomenda nga piyansa ro korte nga P200, 000 para sa anang temporaryong kahilwayan.
Ro akusado hay sa paghinakop eon makarun it CIDG Aklan PFU ag nataeana nga iga-turn over sa natungdan nga korte. // ANN DESLENE SALAZAR