1st Batch sang mga nasunogan target nga igasaylo sa Tanza Ville sa una nga semana sang Marso

Target sang Roxas City Government nga igasaylo ang una nga batch sang mga nasunogan sa Housing Units sa Tanza Ville sa una nga semana sang Marso subong nga tuig.

Matandaan nga nagpromisa si Mayor Ronnie Dadivas sa mga biktima nga pagataan sila sang units kag indi na sini luyag pabalikon sa Brgy. 7 bangud delikado na ang lugar.

Nakabaton naman sang tig-P5,000 ang mga apektado nga pamilya gikan sa lokal nga gobyerno sang syudad kag sa tion nga makasaylo na sila sa housing pagadungan ini sang P20,000 agud ipambakal sang mga kinahanglanon para makabangon.

Nahibaluan nga libre na ang pag-instal sang kuryente kag kontador sa housing agud indi na mabudlayan ang mga pumuluyo.

Ginasiguro man sang alkalde nga madamo pa sang bulig nga magaabot sa mga biktima sang sunog gikan sa nagkalain-lain nga organisasyon kag ahensya sang gobyerno. | Judy Ann Juare