2 ASG Sub-Leaders y 6 maga alipores arestao na Sabah

WestMinCom – Porcausa con el puerte collaboration y cooperation del Armed Forces of The Philippines y del Eastern Sabah Southern Command , si porque victorioso ya puede aresta con el dos notorioso Abu Sayyaf Group Sub-leader y de estos mga alipores na Sabah.

Asegun con el Commandante del  Western Mindanao Command Lt. General Corleto Vinluan Jr. el ESSCOM el quien ya responde con el information que ya dale el Joint Task Force Sulu, donde insiguidas ya conduci un special operation na Jalan Taman Sri Arjuna, Beaufort, Sabah del sabado aga.

Durante el Anti-terror operation ya resulta na aresto con dos ASG sub-leaders identificao amo canda Sansibar Bensio 40 para 50 anios y si Mabar Binda 25 para 30 el edad.

Puera con el dos ASG Sub-leaders ya puede tambien aresta con otro pa mga miembro y alipores del ASG amo canda  Muayyar Binda 30 para 35 y canda untal Sansis  y Firdaus ambos maga alipores di ASG Sub-leader Mabar Binda y canda Lugah Sanchez, Bonijar Samsula ambos maga alipores de depunto ASG Sub-leader Juhuri  Hussein que ta man base na Patikul Sulu.

Asegun tambien con el Commander del Joint Task Force Sulu Major General William Gonzales el dos Sub-leader amo asegun mga terorista que activo ta opera na Sulu.

Omento di Gonzales envuelto el mga arestao ASG na encuentro contra militar del mes de Julio anio 2011 na Sitio Tubig Magtuh, Barangay Panglayahan, Patikul na Provincia de Sulu, que ya resulta na muerte di depunto 2nd Lt. Michael Baladad del Philippine Marines.

Puera con ese envuelto tambien estos na encuentro del Febrero anio 2018 na Bay Sunog, Bud Bawis Complex ,donde ya resulta na muerte del singko miembro del ASG , sila tambien el etchor na encuentro del Deciembre anios 2019 contra militar na Sitio Jatih , Bud Bawis Complex que ya resulta ya puede salva con dos Indonesian National kidnap victim y na matansa con ASG Sub-leader Hairulla Abduraja y Bud Bawis Complex y del Noviembre 2020 ya puede tambien liquida con el diila compañero  canda  ASG member Bensio Barahama y ASG Sub-leader Hatib Munap Binda.

Si Bensio envuelto na abduction con mga extranjero identificao amo canda  Lorenzo Vinciguerra (Swiss National), Ewold Horn (Dutch National), Samiun Bin Maneu (Indonesian National), Maharudin Bin Lunani (Indonesian National), y si Muhammad Farhan (Indonesian National) y con otro pa mga filipino.( Brigada Kit-Kat)

Leave a Reply

Your email address will not be published. Required fields are marked *