Boluntaryo nga nagsungka sa mga kapulisan ang duha ka miyembro sang Communist Terrorist Group.
Sandig sa Maayon Municipal Police Station, ang wala na ginhingadlan nga duha ka persona ang may yara sang posisyon sa CTG organization as Local Unit Guirilla (Intel Unit) sang squad 2, nga ginapamunuan ni Ka Bong sang Nonito Aguirre Sr Command sa idalom sang SPP East Front 15, KR Panay nga naga-operate sa Cuartero, Maayon kag President Roxas.
Nagdesisyon ang mga ini nga magsungka matapos ang negosasyon sa ila sang mga otoridad kag sa kagustuhan na nga magbalik sa sabak sang gobyerno matapos makamuklat sa kamatuoran kag pagpatalang sang mga rebelde nga grupo.
Ang mga nagsungka ang gindala sang mga otoridad sa talatapan ni Mayor Raymond Malapajo kag sila ang ginhatagan sang nagakaigo nga bulig gikan sa lokal nga gobyerno sang nasambit nga banwa. | Judy Ann Juare