2 HVI, dakop sa Anti-illegal Drugs Operation sa Capiz

Dakop ro daywa ka high value individual sa ginpatigayun nga anti-illegal drug operation it mga kapulisan sa Midtown Hotel, Brgy. III, Roxas City, Capiz ku October 22.

Naaresto ro suspek sa gintingob nga pwersa it Capiz Police Provincial Drug Enforcement Unit, Station Drug Enforcement Team it Roxas Component City Police Station at sa koordinasyon sa Philippine Drug Enforcement Agency.

Ginkilaea ro mga suspek nga sanday Sean Vidal y Martillino, High Value Individual, 38yo ag Top 4 sa PNP-PDEA Illegal Drugs Watchlist, Provincial Level ag residente it Brgy. Basiao, Ivisan, Capiz ag si Russel Abellar y Hierro, High Value Individual, 23yo ag residente it Brgy. Loctugan, Roxas City, Capiz.

Nakumpiska sa mga suspek ro 32 ka heat-sealed transparent plastic sachets nga may sueod nga suspected shabu ag 1 nga heat-sealed transparent plastic sachets nga may sueod nga suspected shabu nga ginamit bilang buy-bust item nga may timbang nga 165 grams nga nagabalor it P1,122,000 ag iba pang kagamitan. 

Naga pangatubang ro mga suspek sa kasong pag eabag sa Republic Act 9165 o Comprehensive Dangerous Drugs Act of 2002. / ANN DESLENE SALAZAR

Leave a Reply

Your email address will not be published. Required fields are marked *