GIPAMATUD-AN sa hut-ong gikan sa kababayen-an ang gugma sa pagtabang sa isigkatawo sa usa ka road rage nga nahitabo sa kadalanan sa syudad.
Gumikan niini giila ug gipasindunggan sa konseho sa General Santos City ang duha ka mga babaye nga garbo sa taga Barangay Katangawan ug Barangay San Isidro human sa ilang gihimo nga pagtabang sa usa ka imam nga samaron gumikan sa pagkulata kaniya sa pipila ka mga tricycle drivers sa usa ka vehicular incident.
Malipayon ang gihatagan ug Certificate of Commendation nga silang Charlyn Jan Bayona Escare nga taga Barangay san Isidro, Gensan, usa ka manager sa kooperatiba unya si Vanessa Manseras Vesorio, housewife nga taga Barangay Katangawan
Sumala sa labaw sa komitiba sa womens nga si konsehal Casabuena nga dapat lang nga maila ug mapasidunggan ang duha ka mga maisugon nga mga babaye, gipasalamatan usab ni casabuena ang Brigada News Team nga nakakuha sa mao nga impormasyon
Samtang nagapasalamat ang biktima sa road rage nga si Ameruden Linog kay Vannessa ug Chalryn nga naluoy ug nitabang kaniya. I Ver Diazon