Arestado ang duha ka persona matapos ginkasahan sang drug buy-bust operation sa Barangay Natividad, Pilar, Capiz.
Ginkilala ang mga nagkaladakpan nga sanday Jinno Descartin, 32-anyos kag Ronnie Bunyog, 36-anyos, lunsay mga residente sang Barangay Canoan, Estancia, Iloilo.
Narekober sa paghinakop ni Descartin ang apat ka sachets sang ginasuspetsahan shabu lakip na ang nabakal sang police poseur buyer kag P2,500 nga buy-bust money.
Samtang nakuha naman sa paghinakop ni Bunyog ang isa ka unit sang 12-gauge shotgun break type nga loaded sang isa ka bala.
Ginabanta nagabug-at sa 12 gramos ang nakumpiskar nga iligal nga droga kag nagabalor tanan sang P81,000.
Sa karon, nagapabilin ang mga ini sa kustodiya sang Pilar PNP kag natalana nga pasakaan sang nagakaigo nga panumbungon. | Judy Ann Juare