LEGAZPI CITY – Duwa katawo an naarestar sa sarong drug buy-bust operation sa Purok 1, Brgy. Tula-tula Grande, syudad kan Ligao.
Binisto an mga naarestar na sinda Adrianne Laurencio Ferderico asin Ronnel Rolda Triñanes.
Sa report kan pulisya, sa pakikipagtabangan kan PDEA, naikondusir an operasyon na nagresulta sa pagkakaarestar kan 2 nasambit na suspetsado asin pagkakakumpiskar kan 4 na pidaso nin heat-sealed transparent plastic sachet nin pinagtutubudadng “shabu” na may timbang na poko mas o menos 0.50grams sa kantidad na PHP3,400, sarong 500 peso bill na buy-bust money asin motorsiklo hale sa kontrol kan mga ini.
An mga suspetsado kaiba an mga ebidensya, nasa kustodiya na kan Ligao CPS para sa magkakanigong disposisyon.