Kulong sa Malay MPS ru suspek sa pag pang hold-up sa 2 mga kababayen-an sa Sitio Lugotan Brgy. Manoc-manoc Boracay, Malay, Aklan alas 10:40 pm ku Mayo 3, 2023.
Nakilaea ru mga biktima nga sanday Beverly May Leones, 21 anyos ag residente it Brgy. Libertad, Nabas, Aklan ag Jowelyn Sinag, 23 anyos it Brgy Toledo, Nabas.
Samtang, nakilaea man ru suspek nga si Jerry Gabay, 25 anyos ag residente it Brgy. Rizal Odiongan, Romblon apang temporaryong naga-estar sa nasambit nga isla.
Sa imbistigasyon ni Police Staff Sergeant Teddy Dalisay it Malay MPS, naga pauli eon konta ru mga biktima sa andang boarding house kat gin sundan it suspek ag dayon gin tutukan it kutsilyo ag nag deklara it hold-up.
Gin buoe it suspek ru cellphone dayon binuno ru biktima nga si Leones sa waea nga parte it tiyan ag daplis sa tama’t siyaw sa alima matapos depensahan ru sarili.
Gin bira ni Leones ru suspek sa mahayag nga lugar agud makilaea apang pareho nga nagbiierahan rason nga parehong natumba.
Nakabangon ru biktima apang eagi-eagi nga gin buno it suspek sa waea nga portion it hita.
Eagi man nga gin daea sa hospital ru mga biktima para sa naga kaigo nga pagbueong apang matapos ru pilang oras hay naging out-patient man ru mga biktima.
Samtang, maga pangatubang it kaso ru suspek.//MARIVIC Y. ILIN