Kinasuhan it pulis ru daywang mga kaeaeakin-an nga naga sakay sa motorsiklo matapos bastuson ag nagpaeagas sa pulis sa Capitol Site, Kalibo, Aklan.
Sa imbistigasyon, sangka 28 anyos nga eaeaki ru driver it motorsiklo angkas ru eaeaki nga naga edad it 33 nga taga-C. Laserna St., Kalibo.
Nag-over take sigun ru daywang mga kaeaeakin-an sa motorsiklo nga gina maneho it pulis angkas man ru anang misis nga estan eamang sanda nadisgrasya dahil sa bukon it mayad nga pagmaneho it mga kaeaeakin-an hasta nga naaeabutan sa Crossinig Banga rason nga gin hambaean nga kaayranon ru pagmaneho.
Apang kabaylo it pagpangayot pasensya hay nagpakamatig-a ru panabat sa pulis hasta nga naabutan it GO Traffic light rason nga dumiretso ru mga suspek sa may D. MaagmaSt., ag dayon sinundan pa gid it pulis hasta nga naabutan it mga kabarong-pulis ag dinaea ru mga raya sa Kalibo MPS.
Kinulong ru mga suspek ag kinasuhan it Unjust Vexation apang naka pyansa it tag-Php 3,000 kada isaea.//MARIVIC Y. ILIN