Motrosiklo, sinalpok ru sambilog pa nga motrosiklo, 3 naninahan

Naninahan ru 3 persona matapos aksidenting mag banggaan ru 2 ka mga motorsiklo sa Brgy. Linayasan , Altavas , Aklan.

Nakilaea ru mga biktima nga sanday Jimmy Jontilla, 35 anyos ag back rider nga si Jenelyn Gervacio, 47 anyos , tanan mga residente it nasambit nga lugar.

Samtang, nakilaea man ru driver it motorsiklo nga naka bangga nga si Ranil Gregorio, 21 anyos it Brgy. Odiong, Altavas.

Gulpi sigun nga  nahapit ni Gregorio ru waea nga manobela it motorsiklo nga gina maneho ni Jontilla samtang naga padaeagan paeosob ru 2 mga motorsiklo rason nga tumumba.

Naka angkon it lastro sa ueo si Jontilla nga confine sa hospital samtang naka angkon man it mild injury ru angkas nga si Gervacio ag  driver it naka sunggab nga motorsiklo nga sa makaron hay out patient.

Padayon pa ru imbistigasyon it mga kapulisan sa insidente.//MARIVIC Y. ILIN

Leave a Reply

Your email address will not be published. Required fields are marked *