Daywa ru naidugang sa listahan it Office of the Veterinary (OPVET)-Aklan nga may una nga African Swine Fever (ASF) cases sa probinsya’t Aklan.
Base sa record, may ASF case eon ru Municipalidad ng Nabas ag Altavas.
Samtang, nag padaea eon it blood samples it mga baboy ru Municipalidad it Banga dahil sa mga baboy nga namatay nga suspected it nasambit nga virus.
Padumdom it OPVET, likawan nga madelay ru mga listahan it financial report halin sa mga LGU’s agud malikawan ru pagka delay it financial distribution sa mga hog raisers nga apektado it ASF.
Samtang, paga taw-an it bulig ru mga hog raisers sa masunod nga Dominggo particular sa Tangalan, Numancia, ag Balete nga unang naka pasa it andang report.
Base sa gin pahayag it OPVET, makabaton it Php 3,000 ru mga hog raisers nga may 1 baboy nga gin paidaeom sa culling; 2-3 heads hay PHP 5,000; 4-5 heads Php 7,000; 6-10 heads Php10,000; 11-15 heads Php 15,000 ag above 15 heads hay Php 15,000.//MARIVIC Y. ILIN