Dalawang key officials ng Civil Aviation Authority of the Philippines o CAAP ang dumistansiya sa isinasagawang external investigation sa critical system glitch sa Ninoy Aquino International Airport.
Ang dalawang opisyal ng CAAP ay sina Director General Manuel Antonio Tamayo, na nag inhibit ng kanyang sarili sa imbestigasyon at si Air Traffic Service Officer-in -Charge , Engineer Arnold Balucating na nasa leave of absence.
Si Balucating ang pinuno ng NAIA’s Communications, Navigation and Surveillance Systems for Air Traffic Management na noong Bagong Taon ay nawalan ng power outage sa NAIA.
Sa pagdinig ng House Committee on Transportation’s sa NAIA crisis kahapon , sinabi ni Department of Transportation Undersecretary Roberto Lim na hindi pa lumalabas ang resulta ng imbestigasyon sa nangyaring aberya.
Aniya, ang team of investigators o komite ay external in nature dahil binubuo ito ng DOTr, DICT (Department of Information and Communications Technology), Cyber Investigation Crime Commission (CICC), NBI, at NICA (National Intelligence Coordinating Agency).//CA