Patay ang duha ka catholic priests tungod sa Coronavirus Disease 2019 complications sa Southern Philippine Diocese of Malaybalay City sa Bukidnon.
Basi sa gipagawas nga impormasyon sa CBCP o Catholic Bishops’ Conference of the Philippines, Mayo 4 nakabsan sa kinabuhe si Father Pablo Salengua, sa edad nga 67 gumikan sa virus.
Siya mao ang parish priest sa St. Peter ug St. Paul Parish sa Dalirig, lungsod sa Manolo Fortich.
Kahinumdoman nga niadtong Mayo 1, mitaliwan sab si Fr. Diomedes Brigoli sa edad nga 61 tungod gihapon sa COVID.
Nagsubo ang diocese sa kamatayon sa duha ka pari, ug miduyog ang tanan sa paghalad sa pag-ampo alang sa maayong pagtaliwan sa duha.
Ang patay’ng lawas sa duha ka pari, gi-cremate na. Subay niini gi-lockdown una ang bishop’s house compound isip kabahin sa preventive measure batok sa COVID-19.
Hinuon ang tanang personnel sa bishop’s house nag-negatibo homan gipa-ilawom sa COVID-19 test.