Patay ang duha ka lalaki human nakig pinusilay sa kapulisan sa Ichanova, Barangay Poblacion, Polomolok, South Cotabato atol sa gipahigayong drug bust operation alas-2:00 sa hapon Agosto 4.
Giila sa Polomolok PNP ang namatay nga silang Arnel Tadlas Davila, 36 anyos, lumolopyo sa Prk 19, Brgy Fatima, General Santos City ug si Edward Davila Cordevilla Jr., 28 anyos, nagpuyo sa Dhalia St. Brgy Poblacion, Polomolok, South Cotabato.
Sa report, usa ka pulis ang nagpakunong pusher buyer kung asa napalitan og usa ka sachet sa gidudahang shabu gamit ang 1,000 pesos buybust money ang suspetsado ug dali naka matikod nga pulis ang katransaksiyon ug didto nakigpinusilay hinungdan sa pagka-igo ni Davila ug Cordevilla sa nagkadaiyang parte sa ilang lawas rason sa ilang kamatayon.
Gidala pa kini sa ospital apan gi deklarang patay sa attending physician samtang lain pang droga nakuha gikan kaniya ug duha ka 38 revolver ug mga bala sa gipangsakyan nga KIA Avella color maroon nga dunay plate number LMF 829.
Gawas sa duha nga namatay, dakpan usab sa hot pursuit operation ang duha ka mga babae sa Prk. Salada, Brgy Poblacion, Polomolok, South Cotabato nga silang Roxan Francis Noceda alyas Roxan Noceda, 33-anyos, lumolopyo sa Marang St, Barangay Calumpang, General Santos City; Fatima Siddik, 28-anyos, lumolopyo sa Ligtas Extension , Barangay Cannery, Polomolok, South Cotabato lakip dakpan sa follow up operation sa kapulisan ang usa ka Raffy Ranches Siddik, 24-anyos, residente sa Ligtas Subd., Barangay Cannery Site, Polomolok, South Cotabato
Giasikaso na sa kapulisan sa Polomolok ang kasong ipasaka batok sa mga dinakpan.